Döyüş növləri

Ana səhifə

Döyüş növləri

Fuad Əsədov: “MKT-Araz” klubunun dövlətə 400 min manat borcu var”

15 may 2007 16:22 (UTC +04:00)

“MKT-Araz” klubunun lisenziya almaq şansı yoxdur”. Bu sözləri AFFA-nın baş katibi Fuad Əsədov “APA-Sport” agentliyinə açıqlamasında deyib. F.Əsədov lisenziyalaşdırma məsələlərinə mayın 14-dək vaxt ayrıldığını və bu müddətədək güclülər dəstəsində mübarizə aparan klublardan altısının tələbləri yerinə yetirdiyini vurğulayıb: “Lisenziya almaq üçün müvafiq sənədləri mayın 4-dək AFFA-ya təqdim etmək lazım idi. Ancaq 6 klub sənədləri göndərmədi. Bu səbəbdən klublara daha 10 gün möhlət verdik. Reqlamentə əsasən, apelyasiya komitəsinə müraciət edib lisenziya almaq mümkün idi. Ancaq yenə də həmin komandalar lisenziya almağa səy göstərmədilər”. Baş katibin sözlərinə görə, “MKT-Araz” klubu 2007/2008 mövsümündə qitə miqyaslı yarışlarda iştirak edə bilməyəcək: “Lap kuboku qazansa belə, “MKT-Araz” avrokuboklara buraxılmayacaq”. F.Əsədov, həmçinin, “MKT-Araz”ın dövlətə borcu olduğunu vurğulayıb: “MKT-Araz”ın dövlətə külli miqdarda borcu var. Bu klubun vergi borclarının ümumi məbləği 400 min manata bərabərdir”. /APA-Sport/