Döyüş növləri

Ana səhifə

Döyüş növləri

Məlik Həsənov: “İnter”in UEFA Kubokunda “MKT-Araz”ı əvəzləmək hüququ var”

18 may 2007 13:13 (UTC +04:00)

“AFFA-nın qitə miqyaslı yarışlara qatılması üçün lisenziya vermədiyi “MKT-Araz” klubu UEFA kubokuna vəsiqə qazanacağı halda, “İnter” onu bu turnirdə əvəzləmək hüququna malikdir”. Bu sözləri “APA-Sport” agentliyinə açıqlamasında AFFA-nın Yarışların Təşkili və Keçirilməsi Departamentinin rəisi Məlik Həsənov bildirib. M.Həsənov “Bakı”nın çempionatı 3-cü yerdə başa vuracağı halda, “MKT-Araz”ın yerinə UEFA kubokunda çıxış etmək hüququnun olmadığını qeyd edib: “UEFA avrokuboklarda ölkəmizə dörd yer verib. Bu mötəbər yarışa ölkə kubokunun sahibi ilə yanaşı, çempionatı ikinci yerdə başa vuran komanda getməlidir. Reqlamentə əsasən, ölkə kubokunda finalçısı “MKT-Araz” UEFA kubokuna vəsiqə qazansa və eyni zamanda, lisenziya almadığı üçün qitə miqyaslı turnirdən kənar qalsa, onu yarımfinaldakı iştirakçı əvəzləməlidir. Yarımfinalda mübarizəni dayandırandan “Neftçi” artıq ən azından UEFA kubokuna vəsiqəni özünə təmin edib. Belə olan halda, digər yarımfinal iştirakçısı “İnter” bu turnirdə iştirak etmək hüququna sahib çıxır. Ölkə kubokunda mübarizəni 1/4 finalda dayandıran “Bakı” isə 3-cü yeri tutacağı halda, İntertoto kubokunda ölkəmizi təmsil etmək hüququna malikdir”.
Qeyd edək ki, “Xəzər-Lənkəran” Azərbaycan çempionu olacağı təqdirdə, “MKT-Araz” lənkəranlılarla mayın 28-də keçiriləcək final oyunun nəticəsindən asılı olmayaraq, UEFA kubokuna vəsiqə qazanacaq. /APA-Sport/