Döyüş növləri

Ana səhifə

Döyüş növləri

Rövnəq Abdullayev Qurban Qurbanovu dəstəkləyib

18 may 2007 15:07 (UTC +04:00)

“Neftçi” klubunun prezidenti Rövnəq Abdullayev hesabat turunda “Olimpik”ə 1:2 hesablı məğlubiyyət nəticəsində çempionluq şanslarının xeyli azalmasına baxmayaraq, komandaya dəstəyini nümayiş etdirib. Bu barədə “APA-Sport” agentliyinə baş məşqçi Qurban Qurbanov məlumat verib. Onun sözlərinə görə, “Şəfa” stadionunda keçirilmiş görüşdən sonra Rövnəq Abdullayev vitse-prezident Ramin Musayevlə görüşündə komandaya dəstək verdiyini dilə gətirib: “Rəhbərlik həmişə olduğu kimi, yenə məni dəstəklədi. İlk dövrədə uğursuz çıxış etdiyimiz dövrdə də belə olub. Klub prezidenti Rövnəq Abdullayev “Olimpik” ilə oyunumuzu izləmək üçün stadiona gəlmişdi. Qarşılaşmadan sonra şəxsən söhbətləşməsəm də, o, vitse-prezident Ramin Musayevlə görüşərək, bizə dəstək olduğunu qeyd edib”. Rəhbərliyinin göstərdiyi mənəvi dəstəkdən minnətdar olduğunu deyən Q.Qurbanovun sözlərinə görə, indi əsas məqsəd futbolçuları psixoloji sarsıntıdan çıxarıb “Turan”la görüşə hazırlamaqdır. /APA-Sport/