Döyüş növləri

Ana səhifə

Döyüş növləri

Leo Beenhaker: “Azərbaycan və Ermənistanla görüşlər çox vacib olsa da, həlledici deyil”

23 may 2007 08:28 (UTC +04:00)

“Azərbaycan və Ermənistanla görüşlər çox vacib olsa da, həlledici deyil”. “APA-Sport” agentliyinin məlumatına görə, bu sözləri Polşa yığma komandasının baş məşqçisi Leo Beenhaker Avropa çempionatının seçmə qrup mərhələsi çərçivəsində iyunun 2-də Azərbaycan, bundan dörd gün sonra Ermənistanla keçirəcəkləri səfər oyunları barədə danışarkən deyib. Hollandiyalı mütəxəssisin sözlərinə görə, başçılıq etdiyi komanda Bakı və İrəvan səfərlərindən sonra daha beş vacib görüş keçirməlidirlər: “Hətta biz Azərbaycan və Ermənistanla oyunlardan 6 xal götürdüyümüz halda, qalan qarşılaşmalarda uğursuzluqla üzləşsək, Avropa çempionatının final mərhələsindən kənarda qalacağıq”. L.Beenhaker qarşıdakı səfər görüşlərinin Polşadakı qarşılaşmalarla müqayisədə daha gərgin mübarizə şəraitində keçəcəyini etiraf edib. O, heç bir yığmanın Bakı və İrəvandakı görüşlərinin asanlıqla ötüşmədiyini vurğulayıb. /APA-Sport/