Döyüş növləri

Ana səhifə

Döyüş növləri

İlqar Qurbanov “Xəzər-Lənkəran” klubundan qovulub

25 may 2007 09:34 (UTC +04:00)

İlqar Qurbanov “Xəzər-Lənkəran” klubundan qovulub. Milli komandanın 21 yaşlı yarımmüdafiəçisi artıq transferə çıxarılıb. “APA-Sport” agentliyinin məlumatına görə, klub rəhbərliyi İ.Qurbanovun nizam-intizam qaydalarını pozduğuna və son zamanlar əsas heyətə nadir hallarda salınmasına qeyri-peşəkarcasına etiraz etdiyi üçün transferə çıxarmağı lazım bilib. Futbolçunun çempionatın son turunda “Gilan”la səfər oyununda baş məşqçi Ağasəlim Mircavadova öz etirazını kəskin şəkildə bildirdiyi üçün haqqında belə ölçü götürülüb. İ.Qurbanovun ikinci dövrədə əsas heyətdə yerini itirməsi faktına qeyri-peşəkar münasibət göstərməsi nəticəsində rəhbərlik ona növbəti xəbərdarlıq etməyi lazımsız bilərək, transferə çıxarmaq qərarını verib.
Qeyd edək ki, Türkiyənin “Fənərbaxça” klubunun əvəzedici komandasından “Xəzər-Lənkəran” transfer edilən İ.Qurbanov 2005-ci ildən bu komandada çıxış edirdi. /APA-Sport/