Döyüş növləri

Ana səhifə

Döyüş növləri

Fuad Musayev: “Yığma komanda Xırdalanda bərbad meydanda məşq edirsə, deməli, “Şəfa” stadionu “İnter”ə icarəyə verilməyib, satılıb”

30 may 2007 09:29 (UTC +04:00)

F.Musayevin sözlərinə görə, “Şəfa” stadionunun adını yalnız AFFA rəhbərliyi dəyişə bilər: “Çünki federasiya rəsmiləri arenanın AFFA-ya məxsus olduğunu söyləyirlər. Amma “İnter” rəhbərliyinin “Şəfa”nın adını dəyişmək istəyindən görünür ki, stadionu icarəyə götürməyiblər. Sadəcə, “Şəfa” “İnter”ə satılıb”. AFFA-nın sabiq prezidenti arenanın öz xərclərini ödəyə bilmədiyi üçün icarəyə verildiyi fikirləri ilə də razılaşmayıb. O, stadionda son üç ildə ayrı-ayrı klubların görüşlərini keçirdiyini və bu səbəbdən federasiyanın hesabına kifayət qədər vəsait ödənildiyini xatırladıb: “İcarəyə verilməmişdən əvvəl də stadionun gəlirləri xərclərini ödəyirdi. Üstəlik, milli komandalar “Şəfa”da hazırlıq keçirdilər. Amma indi yığma komandamız Xırdalanda Dövlət Yol Polis İdarəsinin bərbad meydançasında məşq edir. Bu kimi faktlara əsasən, əminliklə deyə bilərəm ki, “Şəfa” stadionu “İnter”ə icarəyə verilməyib, satılıb”.
Qeyd edək ki, AFFA-dan verilən rəsmi məlumata görə, “Şəfa” stadionu fevralın 1-dən Bakının “İnter” klubuna 25 illik icarəyə verilib. Klubun prezidenti Georgi Nikolov isə stadionun adını dəyişmək üzərində düşündüklərini açıqlayıb. /APA-Sport/