Döyüş növləri

Ana səhifə

Döyüş növləri

Rasim Kara: “İlqar Qurbanovu transfer etmək planlarıma daxil deyil”

31 may 2007 08:47 (UTC +04:00)

“İlqar Qurbanovu transfer etmək planlarıma daxil deyil”. Bu sözləri “APA-Sport” agentliyinə açıqlamasında “Qarabağ” klubunun baş məşqçisi Rasim Kara bildirib. Hazırda vətəni Türkiyədə olan çalışdırıcı “Xəzər-Lənkəran”dan qovulan 21 yaşlı İ.Qurbanovu “Qarabağ”a gətirmək fikrində olmadığını bildirib: “Transfer etmək istədiyimiz futbolçular arasında İlqarın adı yoxdur. Biz kifayət qədər gənc futbolçu transfer etmişik. Artıq komandaya gənc futbolçuların keçidini yekunlaşdırırıq. “Qarabağ”a təcrübəli futbolçular lazımdır. Ən əsası, legionerlərlə güclənməyə ehtiyacımız var. Hazırda İstanbulda bu məsələlərlə məşğul oluram. Bir-iki legioneri heyətimizə qatmaqla, transferlərimizi başa vuracağıq”.
Qeyd edək ki, İ.Qurbanov “Xəzər-Lənkəran”a 2005-ci ilin əvvəlində R.Karanın təşəbbüsü ilə “Fənərbaxça”nın əvəzedici komandasından transfer olub. /APA-Sport/