Döyüş növləri

Ana səhifə

Döyüş növləri

Polşa yığmasının Azərbaycanla oyun üçün start heyəti müəyyənləşib

31 may 2007 10:07 (UTC +04:00)

Avropa çempionatının seçmə qrup mərhələsi çərçivəsində Bakıda Azərbaycan milli komandası ilə qarşılaşacaq Polşa yığmasının start heyəti məlum olub. “APA-Sport” agentliyinin Polşa mətbuatına istinadən verdiyi xəbərə görə, qonaq komanda iyunun 2-də Tofiq Bəhramov adına Respublika stadionunda keçiriləcək oyuna 4-4-2 taktiki düzülüşü ilə çıxacaq. Qapını Artur Boruts (“Seltik”, Şotlandiya) qoruyacaq. Onun qarşısında Martsin Vasilevski (“Anderlext”, Belçika), Yatsek Bak (“Əl-Rəyyan”, Qətər), Mixal Jevlyakov (“Olimpiakos”, Yunanıstan) və Qjeqoj Bronovitskidən (“Legiya”) ibarət müdafiə “kvarteti” duracaq. Yarımmüdafiənin mərkəzində Dariuş Dudka (“Visla”) və Mariuş Levandovski (“Şaxtyor”, Ukrayna), sol cinahda Yatsek Krjınovek (“Volfsburq”, Almaniya), sağda Yakub Blaşikovski (“Visla”) yer alacaq. Hücum xətti isə Eysebiuş Smolyarek (“Borussiya” Dortmund, Almaniya) və Matey Juravskiyə (“Seltik”, Şotlandiya) etibar ediləcək.
Qeyd edək ki, Azərbaycan Polşa matçı saat 21:00-da başlanacaq. /APA-Sport/