Döyüş növləri

Ana səhifə

Döyüş növləri

Leo Beenhaker: “Azərbaycan yığmasının öz meydanında istənilən rəqibə ciddi müqavimət göstərdiyini bilirik”

31 may 2007 16:57 (UTC +04:00)

“APA-Sport” agentliyinin məlumatına görə, polşalıları gətirən təyyarənin saat 16:30-da Heydər Əliyev adına Beynəlxalq Hava Limanına enəcəyi deyilsə də, 18:20-da çatıb. Polşalılardan ilk olaraq, jurnalistlər qarşısına çıxan Ukraynanın “Şaxtyor” klubunun yarımmüdafiəçisi Mariuş Levandovski bildirib ki, komandasını Azərbaycan yığması ilə görüşdə heç-heçə qane etmir: “Bakıya yalnız qələbə üçün gəlmişik. Bizə isti hava şəraiti deyil, azarkeşlər problem yarada bilər”. Hava limanını sonuncu tərk edən Polşa millisinin hollandiyalı baş məşqçisi Leo Beenhaker də Bakıya üç xal dalınca gəldiklərini gizlətməyib: “Bakıda yalnız qələbə uğrunda mübarizə aparacağıq. Komandamda əhval-ruhiyyə yüksəkdir. Hava şəraiti ilə bağlı problemimiz yoxdur. Bir sözlə, oyuna ciddi hazırlaşmışıq. Azərbaycan yığmasının öz meydanında istənilən rəqibə ciddi müqavimət göstərdiyini bilirik. Bunu martın 24-də Bakıda Finlandiya üzərində qazanılan qələbə də sübut edir”. Baş məşqçi bununla yanaşı, heç vaxt Ermənistan yığmasının Azərbaycandan güclü olduğu barədə fikir bildirmədiyini söyləyib. L.Beenhaker sözlərinin təhrif olunduğunu qeyd edib. Polşalılar AFFA-nın onlara ayırdığı xüsusi avtobusla qaldıqları “Hyatt Regency” otelinə yollanıblar. Polşa yığması millimizlə oyun üçün son məşqini sabah saat 20:00-da Respublika stadionunda keçirəcək. /APA-Sport/