Döyüş növləri

Ana səhifə

Döyüş növləri

“Bakı”nın daha bir müdafiəçisi “Neftçi”yə keçir

06 iyun 2007 14:21 (UTC +04:00)

“Belə gedişlə Rail Məlikov və Ramazan Abbasovla da yollarımız ayrılacaq”. Bu sözləri “APA-Sport” agentliyinə açıqlamasında “Bakı” klubunun baş meneceri Zeynal Məmmədov deyib. Z. Məmmədov 22 yaşlı müdafiəçi R.Məlikovun “Neftçi”yə keçmək variantının olduğunu qeyd edib: “Railin komandamızdan gedəcəyi gözlənilir. Onun “Neftçi”yə keçmək variantı var. Düzdür, “İnter”in də Məlikovla maraqlandığını eşitmişəm. Ancaq “Neftçi” Raillə bağlı konkret bizə müraciət edib. Railin bizimlə müqaviləsinin müddəti başa çatsa da, o sərbəst futbolçu kimi başqa kluba keçə bilməz. Çünki hələ 23 yaşı tamam olmayıb. Belə olan halda Raili heyətinə cəlb etmək istəyən klub bizə kompensasiya ödəməlidir. Məlikovun “Neftçi”yə keçidi danışıqların nəticəsindən asılı olacaq”.
Qeyd edək ki, “Bakı”nı tərk edən digər müdafiəçi R.Quliyev də “Neftçi”yə keçir. Ancaq millinin heyətində Qazaxıstandan qayıdandan sonra “Neftçi” ilə iki illik müqavilə bağlayacaq R.Quliyevin 26 yaşı olduğundan, ona görə əvvəlki klubuna kompensasiya ödənilməyəcək. Z.Məmmədov R.Quliyevlə birgə millinin heyətində olan 24 yaşlı R.Abbasovun da qayıdışını gözlədiklərini bildirib: “Müqaviləsi başa çatan Ramazanın Bakıya qayıtmasını gözləyirik. Onun komandamızda qalması ilə bağlı danışacağıq. Ramazanın da “Bakı”nı tərk etmək istədiyini bilirik. Eşitdiyimə görə, Ramazanın adı əsasən “İnter” klubu ətrafında hallanır”. /APA-Sport/