Döyüş növləri

Ana səhifə

Döyüş növləri

Azərbaycan futbol yığmasının qapıçısı Fərhad Vəliyev “İnter”lə yollarını ayırıb

08 iyun 2007 12:22 (UTC +04:00)

Futbol üzrə Azərbaycan milli komandasının 27 yaşlı qapıçısı Fərhad Vəliyev iki ildir çıxış etdiyi “İnter” klubu ilə yollarını ayırıb. Bu haqda “APA-Sport” agentliyinə məlumat verən F.Vəliyevin sözlərinə görə, bunun səbəbi maliyyə məsələləridir: “İnter”də çıxışımı davam etdirmək istərdim. Klubda iki illik çıxışımı uğurlu sayıram, milliyə də məhz bu klubdan dəvət almışam. Ancaq “İnter” rəhbərliyi ilə görüşümüzdə yeni müqavilənin müzakirəsi zamanı maddi məsələlərdə razılığa gələ bilmədik. Belə olan halda, “İnter”lə başa çatan müqavilənin müddətini uzadası olmadım”. F.Vəliyev Ağdamın “Qarabağ” klubuna keçidinin daha real olduğunu söyləyib: “Qarabağ”ın rəhbərliyi ilə ilkin söhbətimiz olub. Hazırda Türkiyədə olan “Qarabağ”ın baş məşqçisi Rasim Karanın Bakıya qayıdışını gözləyirik. Digər variant adını açıqlamaq istəmədiyim əyalət klubudur. Ancaq bu kluba keçidim ciddi müzakirə olunmayıb”. F.Vəliyev Azərbaycanın hüdudlarından kənarda çıxış etmək variantı barədə düşünmədiyini bildirib: “Rusiyada çıxış etmək variantı var idi. Bu ölkənin həm premyer-liqa, həm də birinci dəstə klubundan təkliflər olub. Millinin heyətində oyunumu görüb bəyənmişdilər. Ancaq ailə məsələlərinə görə Azərbaycandan kənarda çıxış etmək istəmirəm”. /APA-Sport/