Döyüş növləri

Ana səhifə

Döyüş növləri

“Karvan” klubuna yeni baş məşqçisi təyin olunub

11 iyun 2007 08:45 (UTC +04:00)

Yevlaxın “Karvan” klubu baş məşqçi məsələsini həll edib. “APA-Sport” agentliyinin məlumatına görə, Təbriz Həsənov sabiq baş məşqçisi Y. Hüseynovla yollarını ayıran “Karvan”a yeni baş məşqçi təyin olunub. T. Həsənov “Karvan”da üç il məşqçi işləyib, Y. Hüseynovun əsas köməkçisi olub. “Karvan”ın 40 yaşlı yeni baş məşqçisi futbolçu karyerası dövründə Ağdamın “Qarabağ”, Bakının “Neftçi” və “ANS-Pivani” klublarında çıxış edib. 1992-ci ildə Y. Hüseynovla birgə “Neftçi”nin heyətində Azərbaycan çempionu olan T. Həsənov “ANS-Pivani”də də onunla çiyin-çiyinə oynayıb.
Qeyd edək ki, T. Həsənov sonuncu çempionatın sonuna yaxın “Karvan”la yollarını ayırmışdı. “Karvan”la növbəti mövsümün sonunadək anlaşan yeni çalışdırıcı A kateqoriyasına malik azsaylı mütəxəssislərimizdəndir, o bu məşqçilik dərəcəsini Ukraynanın paytaxtı Kiyevdə Y.Hüseynovla birgə alıb.
Qeyd edək ki, T.Həsənov 2004-cü ildə yaranan “Karvan” klubunun Y.Hüseynov və türkiyəli mütəxəssis Fuad Yamandan sonra üçüncü baş məşqçisidir. /APA-Sport/