Döyüş növləri

Ana səhifə

Döyüş növləri

Azərbaycan futbol yığmasının qapıçısı Fərhad Vəliyev “Qarabağ”la bir illik müqavilə imzalayıb

11 iyun 2007 11:24 (UTC +04:00)

Futbol üzrə Azərbaycan milli komandasının 27 yaşlı qapıçısı Fərhad Vəliyevin Ağdamın “Qarabağ” klubuna keçidi rəsmiləşib. Bu haqda “APA-Sport” agentliyinə məlumat verən F.Vəliyev “Qarabağ”la bir illik müqavilə bağladığını bildirib. Son iki ili “İnter”də keçirən F.Vəliyev bir sıra iddialı klubun onu heyətində görmək istəməsinə baxmayaraq, “Qarabağ”a üstünlük verdiyini qeyd edib: “Düzgün qərar qəbul etdiyimi düşünürəm. Seçimdə yanılmadığıma, ilk çempionluğumu “Qarabağ”ın heyətində qazanacağıma inanıram”.
Qeyd edək ki, son iki ildə “Qarabağ”ın əsas qapıçısı F.Vəliyevlə milli komandada bir yerdə çıxış edən Cahangir Həsənzadə olub. “Qarabağ” C.Həsənzadə ilə başa çatan müqavilənin müddətini uzatmayaraq, onunla yollarını ayırıb.
Qeyd edək ki, “Qarabağ”in F.Vəliyevədək ilk transferi İmişlinin “MKT-Araz” klubunu tərk edən 22 yaşlı hücumçu Murad Ağakişiyev olub. /APA-Sport/