Döyüş növləri

Ana səhifə

Döyüş növləri

Azərbaycan yığmasına İngiltərə və İsveçdən futbolçu cəlb olunacaq

12 iyun 2007 13:55 (UTC +04:00)

Azərbaycan milli komandasına İngiltərə və İsveçdən futbolçu cəlb olunacaq. Bu haqda “APA-Sport” agentliyinə məlumat verən yığmanın seleksiyaçı-məşqçisi Nazim Süleymanovun sözlərinə görə, hazırda həmin oyunçular barədə lazımi informasiyalar toplanılır: “İngiltərə universitetlərinin birində azərbaycanlı futbolçu çıxış edir. Onun 19 yaşı var. İsveçdəki həmyerlimiz isə futzal klubunun formasını geyinir. Bu futbolçuların koordinatları götürülüb. Yaxın günlərdə onlarla əlaqə saxlayacağıq”. N. Süleymanov bildirib ki, İngiltərə və İsveçdəki futbolçuların birbaşa əsas milli komandanın heyətinə daxil ediləcəyi inandırıcı deyil: “Yəqin ki, onlar öncə aşağı yaş qruplarından ibarət yığmaya çağırılacaqlar. Bu komandalarda özlərini göstərə bilsələr, əsas milli komandaya dəvət alacaqlar”. Seleksiyaçı-məşqçi Rusiya çempionatının güclülər dəstəsi klublarında oynayan azərbaycanlı futbolçularla da maraqlandıqlarını vurğulayıb: “Moskva MOİK-ində 2 soydaşımız var. Həmçinin, “Lokomotiv”də oynayan azərbaycanlı futbolçu barədə də məlumatlar toplamağa başlamışıq”. /APA-Sport/