Döyüş növləri

Ana səhifə

Döyüş növləri

“Turan”ın nigeriyalı hücumçusu Viktor İbekoyi “Qarabağ”a transfer olunub

13 iyun 2007 10:10 (UTC +04:00)

Ağdamın “Qarabağ” klubu mövsümlərarası fasilədə ilk legioner transferini reallaşdırıb. Klubunun türkiyəli baş məşqçisi Rasim Kara “APA-Sport” agentliyinə açıqlamasında 21 yaşlı nigeriyalı hücumçu Viktor İbekoyinin keçidini başa çatdırdıqlarını bildirib: “İbekoyi ilə iki illik müqavilə imzalamışıq. Viktorun oyunu bəyənmişdim. O, yaxşı hücumçudur. İbekoyinin gənc olması da ona maraq göstərməyimizin əsas səbəblərindəndir”. V. İbekoyi ötən mövsüm Azərbaycan çempionatından çıxış edərək, Tovuzun “Turan” klubunu şərəfini qoruyub, həmçinin, komandanın ötən mövsüm ən sərrast oyunçusu olub. O, ötən mövsüm “Qarabağ”la keçirilmiş hər iki görüşdə qol vurub. Lakin R. Kara V. İbekoyinin transferində bu amilin həlledici olmadığını vurğulayıb: “Viktor təkcə ”Qarabağ”a deyil, digər iddialı klublara da qol vuraraq, məhsuldar hücumçu olduğunu nümayiş etdirib”
Qeyd edək ki, “Qarabağ” V.İbekoyiyədək 27 yaşlı qapıçı Fərhad Vəliyev və 22 yaşlı hücumçu Murad Ağakişiyevi transfer edib. /APA-Sport/