Döyüş növləri

Ana səhifə

Döyüş növləri

Rusiyanın “Kuban” klubunun iki futbolçusu Azərbaycan yığmasına dəvət olunub

14 iyun 2007 11:23 (UTC +04:00)

Rusiya çempionatının güclülər dəstəsində mübarizə aparan “Kuban” klubunun əvəzedici heyətində çıxış edən iki azərbaycanlı futbolçu Azərbaycan milli komandasına dəvət olunub. Bu haqda “APA-Sport” agentliyinə məlumat verən yığmanın seleksiyaçı-məşqçisi Nazim Süleymanovun sözlərinə görə, artıq soydaşlarımıza İnternet vasitəsilə məktub göndərilib: “Onların cavablarını gözləyirik. Koordinatları əldə etdikdən sonra həm futbolçularla, həm də məşqçiləri ilə söhbət aparacağıq. Milli komandada oynamağa razılıq versələr, baxışa çağıracağıq”. N. Süleymanov “Kuban”dakı soydaşlarımızdan birinin qapıçı, digərinin isə hücumçu olduğunu bildirsə də, onların adlarını açıqlamayıb. Seleksiyaçı-məşqçi vurğulayıb ki, “Kuban”la yanaşı, Rusiyanın MOİK və “Lokomotiv” klublarında forma geyən azərbaycanlı oyunçulara da məktub göndərilib. Bundan başqa, N.Süleymanov İngiltərə və İsveçdə çıxış edən futbolçularla maraqlandığını deyib. /APA-Sport/