Döyüş növləri

Ana səhifə

Döyüş növləri

“Turan” klubunun prezidenti Rəşid Məhərrəmov: “İstefam gündəmdədir”

19 iyun 2007 14:09 (UTC +04:00)

“İstefa verməyim gündəmdədir”. Bu sözləri “APA-Sport” agentliyinə açıqlamasında Tovuzun “Turan” klubunun prezidenti Rəşid Məhərrəmov bildirib. R. Məhərrəmov “Turan”ın prezidenti postundan gedişinin real olduğunu vurğulayıb: “Prezident postunu tərk edəcəyim gözlənilir. Bu məsələ “Turan”a sponsorluqla bağlı məsələ həllini tapandan sonra reallaşacaq. İyunun 25-də bir araya gəldikdən sonra klubla bağlı bir çox məsələlərə, o cümlədən prezidentliklə bağlı məsələyə də aydınlıq gələcək”. Qeyd edək ki, R. Məhərrəmov ötən il Tahir Yusifovun “Turan”ın prezidenti postundan gedişindən sonra bu vəzifəyə gətirilib. R. Məhərrəmov “Turan”ın yeni sponsoru ilə bağlı məsələ həllini tapandan sonra klubun hazırkı sponsoru, T. Yusifovun rəhbərlik etdiyi “Taymeks” şirkətinin fəaliyyət istiqamətini dəyişəcəyini qeyd edib: “Taymeks” şirkətinin Tovuzun Azərbaycan çempionatının birinci dəstəsində çıxış edən “Rote Fahne” klubuna və uşaq futboluna himayədarlıq edəcəyi gözlənilir. Tovuzda uşaq futbolunun inkişafı ilə bağlı özəl futbol məktəbi yaratmaq fikrimiz var. Mənim də “Turan”ın prezidenti postundan gedişimdən sonra fəaliyyətinmi uşaq futbolunda davam etdirəcəyim gözlənilir”. /APA-Sport/