Döyüş növləri

Ana səhifə

Döyüş növləri

UEFA rəsmisi: “Azərbaycan və Ermənistan yığmaları arasında oyunların ümumiyyətlə keçirilməməsi barədə qərar veriləcəyi istisna olunmur”

19 iyun 2007 15:57 (UTC +04:00)

Bu haqda “APA-Sport” agentliyinə eksklüziv açıqlamasında UEFA-nın mətbuat katibi Uilyam Qalyard məlumat verib. UEFA rəsmisinin sözlərinə görə, İcraiyyə Komitəsinin toplantısı yaxın günlərdə keçiriləcək: “Bu məsələ iclasın gündəliyinə daxildir. İcraiyyə Komitəsinin üzvləri Azərbaycan-Ermənistan görüşlərinin keçiriləcəyi yerlə bağlı fikir mübadiləsi aparacaqlar. Çox güman ki, yekun qərar da həmin toplantıda çıxarılacaq”. U. Qalyard Azərbaycan və Ermənistan yığmaları arasında oyunların ümumiyyətlə keçirilməməsi barədə qərar veriləcəyini də istisna etməyib: “UEFA-nın Nizamnaməsinə əsasən, Azərbaycanla Ermənistan arasında matçların oynanılmaması variantı mümkündür. Bundan ötrü isə ilk növbədə tərəflərin razılığı olmalıdır. Ümumiyyətlə, İcraiyyə Komitəsinin iclasında istənilən qərar çıxarıla bilər”.
Qeyd edək ki, UEFA İcraiyyə Komitəsi üzvlərinin toplantısının 21 yaşınadək futbolçulardan ibarət milli komandalar arasında Avropa çempionatının final mərhələsinin Hollandiyada keçirilən qarşılaşmaları çərçivəsində baş tutacağı planlaşdırılır. Qitə birinciliyinə iyunun 23-də yekun vurulacaq. Azərbaycan Ermənistan oyunlarının keçiriləcəyi yer barədə UEFA-nın rəsmi qərarının da AFFA-ya elə həmin vaxtadək göndərilməsi gözlənilir.
Xatırladaq ki, yığmamızın ermənilərlə görüşləri bu il sentyabrın 8-nə və 12-nə təyin olunub. /APA-Sport/