Döyüş növləri

Ana səhifə

Döyüş növləri

U-17-nin heyəti açıqlanıb

20 iyun 2007 10:28 (UTC +04:00)

I Qaradəniz İdman Oyunlarında iştirak edəcək Azərbaycanın 17 yaşınadək futbolçulardan ibarət yığmasının (U-17) heyəti açıqlanıb. “APA-Sport” agentliyinin məlumatına görə, baş məşqçi Yaşar Vahabzadə milli komandaya 22 futbolçu dəvət edib. Heyətə daxil olan oyunçulardan 9-u - “Qarabağ”ın üzvü Cavid Musayev, “Neftçi-2”-dən Anar Abdullayevlə Tanrıverdi Məhərrəmli, “İnter”lilər Araz Əliyev, Tərlan Quliyev, “Bakı”lı Pərviz Bayramov, eləcə də, klubsuz futbolçular Şamxal İbrahimov, Əli Qurbanlı və İlkin Əliyev ilk dəfə bu etimada layiq görülüblər. Bundan başqa, yığmanın heyətində Eşqim Quliyev (“Neftçi”), Tural İsgəndərov, Amil Quluzadə (hər ikisi “Neftçi-2”), Ramil Rəhimzadə (“Neftçi”nin əvəzedici komandası), Novruz Məmmədov (“İnter”), Anar Məhərrəmov (“İnter-2”), Osman Umarov, Emin Mustafayev, Şəhriyar Xəlilov (hamısı “Qarabağ”), Orxan Həsənov, Səlahət Ağayev, Fariz Məmmədov və Sərraf Yusifzadə (hamısı klubsuz) yer alıb. U-17 bu gündən təlim-məşq toplanışına start verib. “Ruslan-93” təlim-məşq bazasında məskunlaşan yığma hazırlıq prosesini iyunun sonlarında başa vuracaq. I Qaradəniz İdman Oyunlarına 18 futbolçu aparılacaq. Bu yarış 2-8 iyul aralığında Türkiyənin Trabzon şəhərində keçiriləcək. /APA-Sport/