Döyüş növləri

Ana səhifə

Döyüş növləri

“Neftçi”nin məşqçisi istefa verib

20 iyun 2007 16:38 (UTC +04:00)

“Neftçi” klubunun məşqçisi Mirbağır İsayev istefa verib. 33 yaşlı məşqçi “APA-Sport” agentliyinə açıqlamasında bu addımının konkret səbəblərini göstərməyib: “Bu gün “Neftçi”nin baş məşqçisi Qurban Qurbanova getmək istəyimi bildirdim. Klubun vitse-prezidenti Ramin Musayevdən halallıq almaq problem olmayacaq. “Neftçi” ilə müqaviləmin müddəti başa çatmasa da, rəhbərliyinin gedişimə əngəl yaratmayacağını düşünürəm. Komandadan ayrılmağım hər hansı problemlə bağlı deyil. “Neftçi”də işlədiyim bir ildə heç nədən narazılığım olmayıb. Əksinə, “Neftçi” kimi klubda məşqçi işləməyim mənə böyük faydası dəyib. Komandanı başqa klubdan təklif aldığıma görə də tərk etmirəm. Sadəcə, getməyi məqsədə uyğun saydım”. M. İsayev iki həftə öncə “Neftçi”yə məşqçi təyin olunan Elbrus Məmmədovla da hər hansı probleminin olmadığını vurğulayıb: “Elbrus Məmmədov “Neftçi”yə məşqçi təyin olunanda ona uğurlar arzuladım”.
Qeyd edək ki, M.İsayev Vadim Boretslə bu gün Türkiyədən qayıtdıqdan sonra istefa verib. Ötən ilin iyununda Qurban Qurbanovun “Neftçi”yə baş məşqçi təyin edilməsindən sonra komandaya dəvət olunan və onun əsas köməkçisi işləyən M. İsayevin klubla hələ iki illik müqaviləsi var. /APA-Sport/