Döyüş növləri

Ana səhifə

Döyüş növləri

Vidadi Rzayev “Karvan”ın məşqçisi təyin edilib

21 iyun 2007 07:12 (UTC +04:00)

Ötən mövsüm başa çatandan sonra “Olimpik” klubunun heyətində futbolçu karyerasını başa vuran Vidadi Rzayev məşqçiliyə başlayıb. “APA-Sport” agentliyinin məlumatına görə, V. Rzayev Yevlaxın “Karvan” klubunun məşqçisi təyin edilib. 40 yaşlı V. Rzayev “Karvan”ın çalışdırıcısı olan həmyaşıdı Təbriz Həsənovun köməkçisi olacaq. On gün öncə “Karvan”ın yeni baş məşqçisi təyin edilən T. Həsənovun digər köməkçisi də bəlli olub. Bu, Mahir Əliyevdir. 40 yaşlı M. Əliyevin V. Rzayevdən fərqli olaraq artıq məşqçilik təcrübəsi var. 2004-cü ildə Sumqayıtın “Gənclərbirliyi” klubunun heyətində futbolçu karyerasını başa vuran M.Əliyev 2004/05 mövsümündə bu komandada bir müddət baş məşqçi işləyib. “Karvan”ın yeni məşqçisinin son iş yeri “Neftçi” klubu olub. Azərbaycan çempionatının birinci dəstəsində çıxış edən “Neftçi-2” komandasını bir il çalışdıran M. Əliyev yaxınlarda vəzifəsindən gedib.
Qeyd edək ki, T. Həsənovla M. Əliyev futbolçu karyeraları dövründə Ağdamın “Qarabağ” klubunda bir yerdə çıxış ediblər. /APA-Sport/