Döyüş növləri

Ana səhifə

Döyüş növləri

Sorğu: ““Bakı” İntertoto kubokunda ikinci mərhələyə adlayacaq”

21 iyun 2007 10:57 (UTC +04:00)

Avropa klubları arasında ən aşağı səviyyəli yarış hesab olunan İntertoto kubokunda Azərbaycanı təmsil edəcək “Bakı” birinci mərhələ səddini adlayacaq. “APA-Sport” agentliyinin İnternet saytında keçirilən sorğunun nəticəsi belə olub. Üç həftə ərzində 1677 nəfər saytımızı ziyarət edərək “Azərbaycanı İntertoto kubokunda təmsil edəcək “Bakı” hansı nəticəni göstərəcək” sualını cavablandırıblar. Respondentlərin 587 nəfəri (35%) Böyükağa Hacıyevin yetirmələrinin ikinci mərhələyə adlayacağını, 521 nəfəri (31,1%) isə “Daçiya” komandasına uduzaraq mübarizəni ilkin mərhələdə dayandıracağını bildirib. Sorğuya qatılanların 100-ü (6%) “Bakı”nın üçüncü mərhələyədək irəliləyəcəyinə inanır. Respondentlərin 469 nəfəri (28%) hətta komandamızın üçüncü mərhələni də adlayaraq, UEFA kubokuna vəsiqə əldə edəcəyi fikrindədir.
Qeyd edək ki, “Bakı” İntertoto kubokunun birinci mərhələsinin ilk oyununu iyunun 23-də Tofiq Bəhramov adına Respublika stadionunda “Daçiya” klubuna qarşı keçirəcək. Növbəti mərhələyə yüksələn komandanın adı bir həftədən sonra Moldovada baş tutacaq cavab matçında müəyyənləşəcək. /APA-Sport/