Döyüş növləri

Ana səhifə

Döyüş növləri

“Xəzər-Lənkəran” Serbiyanın “Partizan” klubunun müdafiəçisini baxışa çağırıb

22 iyun 2007 15:39 (UTC +04:00)

“Xəzər-Lənkəran” daha bir legioneri baxışdan keçirməyi planlaşdırır. “APA-Sport” agentliyinin məlumatına görə, “Xəzər-Lənkəran”ın baxışa çağıracağı üçüncü legioner də serbiyalıdır. Serbiyanın ən titullu klublarından olan Belqradın “Partizan” klubunun futbolçusu İvan Babiç ötən mövsümü icarə əsasında “Bejaniya” klubunda keçirib. 1,82 metr boya, 75 kiloqram çəkiyə malik olan müdafiəçi Serbiyanın yüksək liqada çıxış edən “Bejaniya”nın heyətində çempionatı 4-cü yerdə başa vurub.
Qeyd edək ki, İ. Babiç “Xəzər-Lənkəran”a komandanın Azərbaycandakı hazırlıq prosesində qoşulmayacaq. Klub rəhbərliyi İ. Babiçi Avstriyadakı təlim-məşq toplanışına dəvət edib. İ. Babiç Avstriyaya iyunun 28-də gələrək, hazırlığa qoşulacaq.
Qeyd edək ki, “Xəzər-Lənkəran” bunadək baxışa daha iki serbiyalı futbolçu cəlb edib. Bunlar müdafiəçilər 26 yaşlı Vojislav Bakraçla 24 yaşlı Mladen Kasçelanıdır. Onlar artıq Bakıya gələrək komandanın heyətində hazırlıq prosesinə başlayıblar. /APA-Sport/