Döyüş növləri

Ana səhifə

Döyüş növləri

“Neftçi”nin serbiyalı qapıçısı Vladimir Miçoviç “İnter”ə keçə bilər

25 iyun 2007 15:25 (UTC +04:00)

“İnter” “Neftçi”nin transferə çıxardığı 32 yaşlı serbiyalı qapıçısı Vladimir Miçoviçi heyətinə cəlb edə bilər. “Neftçi”nin Bakıdakı hazırlıq prosesində iştirak edən V.Miçoviç “APA-Sport” agentliyinə açıqlamasında “İnter”ə keçmək variantının olduğunu bildirib: “İnter” mənimlə maraqlansa da, hələlik konkret danışıqlar olmayıb. Ola bilsin ki, klub rəhbərliyi ukraynalı baş məşqçi Valentin Xodukinin Bakıya qayıdışını gözləyir. “İnter”in təklifi məni qane edəcəyi halda, bu kluba keçidim mümkündür”. V. Miçoviç bir illik müqavilə ilə məxsus olduğu “Neftçi”nin digər kluba keçidinə problem yaratmayacağını qeyd edib: “Neftçi”nin məşqlərində iştirak etsəm də, bu komanda ilə Avstriyaya təlim-məşq toplanışına yollanmayacağam. Bir neçə gün Bakıda qalıb, karyeramı hansı klubda davam etdirəcəyimə aydınlıq gətirəcəyəm. “Neftçi” digər kluba keçəcəyim halda transfer vərəqimi verəcək. Sözsüz ki, iki ildir şərəfini qoruduğum “Neftçi”ni tərk etmək mənim üçün çətindir. Ancaq neyləmək olar, bu futbol həyatıdır. “Neftçi” ilə yollarımın ayrılması yalnız legionerlərə qoyulan limitlə bağlıdır”. Legioner qapıçı axtarışında olan “İnter”də V. Miçoviçin həmvətənlərindən müdafiəçilər Nikola Yoloviclə Milan Zaqorats çıxış edir.
Qeyd edək ki, “İnter” mövsümlərarası fasilədə “Neftçi”dən müdafiəçilər Ruslan Abbasovla Mahir Şükürovu transfer edib. /APA-Sport/