Döyüş növləri

Ana səhifə

Döyüş növləri

İqor Getman “Neftçi”yə məşqçi təyin edilib

27 iyun 2007 09:19 (UTC +04:00)

“Neftçi”yə yeni məşqçi təyin edilib. “APA-Sport” agentliyinin məlumatına görə, 36 yaşlı İqor Getman bundan sonra “Neftçi”də məşqçi kimi çalışacaq. Lakin yeni məşqçi iyunun 25-dən 26-na keçən gecə Avstriyaya təlim-məşq toplanışına yollanan komanda ilə birgə səfərə çıxmayıb. Belə ki, “Neftçi” yeni məşqçisinin viza məsələsini komanda səfərə çıxanadək həll edə bilməyib. Belə olan halda, İ. Getmanın məşqçi kimi “Neftçi”nin Avstriyadakı hazırlıq prosesinə bir qədər sonra qoşulması nəzərdə tutulub.
Qeyd edək ki, İ. Getman ötən çempionatın son turunda bu ilin mayın 23-də Tovuzun “Turan” klubu ilə Bakıdakı oyunda futbolçu karyerasını başa vurub. Azərbaycanda çıxış etdiyi dövrdə yalnız “Neftçi”də çıxış edən müdafiəçi İ. Getmanın xidmətlərini nəzərə alan klub prezidenti Rövnəq Abdullayev ona “Daewoo Nexia” markalı avtomobil bağışlayıb. Qeyd edək ki, 33 yaşlı məşqçi Mirbağır İsayevin bir həftə öncə istefasından sonra “Neftçi”də məşqçi postu boş qalmışdı. /APA-Sport/