Döyüş növləri

Ana səhifə

Döyüş növləri

“Xəzər-Lənkəran”ın direktoru Tuyqun Nadirov: “Çempionlar Liqasında layiqli komanda ilə qarşılaşacağımıza görə sevinirik”.

29 iyun 2007 14:04 (UTC +04:00)

“Çempionlar Liqasında layiqli komanda ilə qarşılaşacağımıza görə sevinirik”. Bu açıqlamanı “APA-Sport” agentliyinə “Xəzər-Lənkəran”ın direktoru Tuyqun Nadirov verib. O, İsveçrənin Nyon şəhərində keçirilən püşkatmanın nəticələrindən razı qaldığını qeyd edib: “Çempionlar Liqasının püşkatmasında klubumuzun vitse-prezidenti Mais Mənsimovun başçılıq etdiyi nümayəndə heyəti ilə iştirak edirdik. Çox yüksək səviyyədə keçən püşkatmadan sonra rəqibimiz Xorvatiyanın “Dinamo” klubunun nümayəndələri ilə təmas qurduq. Rəqibimiz “Xəzər-Lənkəran” klubu haqda yüksək fikirdədir. Xorvatlar klubumuz haqda müəyyən məlumatlarının olduğunu, ötən mövsümü həm çempion olub, həm də ölkə kubokunu qazanaraq, “qızıl dubl”a başa vurmağımızı qeyd etdilər. Çoxları bəxtimizə güclü rəqibin düşdüyünü deyir. Ancaq belə düşünməyərək, Xorvatiyanın “Dinamo” klubundan çəkinmədiyimizi deyə bilərəm. Çempionlar Liqasında güclü rəqiblə qarşılaşaraq, Avropada nəyə qadir olduğumuzu göstərmək istəyirik. Hesab edirəm ki, “Xəzər-Lənkəran”ın maliyyə imkanları ilk mərhələni adlamağa imkan verir”. /APA-Sport/