Döyüş növləri

Ana səhifə

Döyüş növləri

“Bakı” İntertoto kubokunda mübarizəni dayandırıb

02 iyul 2007 08:35 (UTC +04:00)

“Bakı” futbol klubu Azərbaycanı təmsil etdiyi UEFA İntertoto kubokunda mübarizəni ilk mərhələdə dayandırıb. “APA-Sport” agentliyinin məlumatına görə, “Bakı” Moldovanın “Daçiya” klubu ilə səfərdəki görüşdə 2:4 hesabı ilə məğlub olub. Bakıdakı ilk oyunda olduğu kimi, Kişinyovdakı qarşılaşmada da 1:1 hesabı qeydə alınıb. Bu dəfə də “Bakı”nın qapısına vurulan qolun müəllifi “Daçiya”nın hücumçusu Valeri Onila olub. Komandamız 8-ci dəqiqədə buraxdığı qola oyunun sonuna 29 dəqiqə qalmış gürcüstanlı yarımmüdafiəçisi Amiran Mucirinin vurduğu qolla cavab verib. Cütün qalibi əlavə vaxtda da müəyyənləşmədiyindən, oyun sonrası penalti zərbələri təyin edilib. “Bakı”nın seneqallı qapıçısı ilk iki penaltini zərbəsini dəf etsə də, bu, “Daçiya”nı məğlub etmək üçün yetərli olmayıb. Belə ki, “Bakı”nın yeni transferi Asen Nikolov, Romal Hüseynov və kapitanı Rafael Əmirbəyovun zərbələri dəqiq olmayıb. “Daçiya”nın penaltidən üç dəqiq zərbəsinə yalnız Samir Musayev eyni cavab verib. “Daçiya”nı ikinci mərhələyə çıxaran həlledici zərbənin müəllifi Bakıdakı oyunda avtoqola imza atan Maksim Andronik olub. /APA-Sport/