Döyüş növləri

Ana səhifə

Döyüş növləri

Mahmud Qurbanov “Xəzər-Lənkləran”dan qovulub

03 iyul 2007 09:10 (UTC +04:00)

“Mahmud Qurbanov nizam-intizam qaydalarını pozduğu üçün komandanın sıralarından xaric edilib”. Bu sözləri “APA-Sport” agentliyinə açıqlamasında “Xəzər-Lənkəran”ın direktoru Tuyqun Nadirov deyib. T.Nadirov futbolçunun “Xəzər-Lənkəran”ın üzvlərindən heç kimlə insidentinin olmadığını qeyd edib: “Mahmudun klub rəhbərliyi ilə çox gözəl münasibətləri var. Onun heç kimlə problemi olmayıb. Mahmud əsas futbolçumuz, komandanın kapitanı kimi ötən mövsümü “qızıl dubl”la başa vurmağımızda böyük əməyi olub. Sadəcə, klubdaxili nizam-intizam qaydalarının pozduğu üçün onu heyətdən kənarlaşdırmağı məqsədəuyğun saydıq. Klubumuzda daxili nizam-intizam qaydaları var və onu pozana sıralarımızda yer yoxdur. Mahmud konkret açıqlamaq istəmədiyim nizam-intizam qaydalarına əməl etməyib”. T.Nadirov M.Qurbanovun başqa kluba özbaşına keçə bilmədiyini söyləyib: “Mahmud “Xəzər-Lənkəran”la iki illik müqavilə bağlamışdır. Onun hələ bizimlə bir illik müqaviləsi var. Mahmudun müqavilə şərtlərini əməl etmişdik. Mahmudun bizimlə müqaviləsi olduğundan, transferə çıxarılıb”.
Qeyd edək ki, M.Qurbanov az öncə komanda ilə birgə viza probleminə görə Avstriyaya yollana bilməməyini əsas gətirirdi. T.Nadirov “Xəzər-Lənkəran”da viza ilə bağlı problemin olmadığını bildirib: “Bizdə komanda üzvləri üçün yarım illik Şengen vizası var. Mahmudun “Xəzər-Lənkəran”dakı taleyinə tam aydınlıq gəlmədiyindən, bu müddətdə rəsmi açıqlama verilmirdi”. /APA-Sport/