Döyüş növləri

Ana səhifə

Döyüş növləri

Fariz Yusifov Çempionlar Liqasının oyununa təyinat alıb

05 iyul 2007 11:11 (UTC +04:00)

Azərbaycanlı FİFA hakimləri Fariz Yusifovla Babək Quliyev beynəlxalq oyunlara təyinat alıblar. “APA-Sport” agentliyinin məlumatına görə, F.Yusifov iyulun 24-də Çempionlar Liqasının I təsnifat mərhələsi çərçivəsində “Reyncers” (Andorra) və “Şerif" (Moldova) klubları arasında keçiriləcək cavab görüşünü idarə edəcək. B.Quliyev isə iyulun 31-də UEFA Kubokunun birinci təsnifat mərhələsi çərçivəsində “Kaerjenq 97” (Lüksemburq) və “Lillestrom” (Norveç) komandaları arasında keçiriləcək təkrar oyununun baş hakimi olacaq. Hər iki referinin köməkçiləri sabah məlum olacaq.
Qeyd edək ki, 2006-cı ilin əvvəlində FİFA referisi adına layiq görülən F.Yusifov ilk dəfə rəsmi səviyyədə beynəlxalq oyun idarə edəcək. O, iyunun 24-də UEFA İntertoto kubokunun ilk mərhələsi çərçivəsində keçirilmiş “Birkirkara” (Malta) “Maribor” (Sloveniya) matçına təyinat alsa da, viza problemi ilə əlaqədar yollana bilməmişdi. Həmin görüşün UEFA nümayəndəsi İvan Kornu səfər marşrutunun ortaya çıxardığı problemlərə görə, üzrxahlıq etmiş, F.Yusifova yeni təyinat göndəriləcəyini vəd etmişdi. /APA-Sport/