Döyüş növləri

Ana səhifə

Döyüş növləri

Aşot Manukyan: “Azərbaycanla görüşlərdə 6 xal qazana bilərdik”

05 iyul 2007 12:14 (UTC +04:00)

“UEFA-nın sözçüsü Uilyam Qalyardın Azərbaycan və Ermənistan Futbol Federasiyaları tərəfindən oyunların ləğv olunması barədə onlara müraciət edildiyi haqda danışdığını ilk dəfədir ki, eşidirəm”. “APA-Sport” agentliyinin məlumatına görə, bu fikirləri Ermənistan Futbol Federasiyasının (EFF) vitse-prezidenti Aşot Manukyan deyib. A.Manukyanın sözlərinə görə, EFF Ermənistan milli komandasının Azərbaycan yığması ilə Avropa çempionatının seçmə oyunlarını Bakıda və İrəvanda keçirməyə hazır olub: “Biz Bakıya getməyə və Azərbaycan yığmasının İrəvanda təhlükəsizliyinə təminat verməyə hazır olsaq da, qarşı tərəf heç cür buna razı olmurdu. Nəticədə UEFA hamıya məlum olan qərarı çıxardı”. EFF rəsmisi Azərbaycan tərəfinin UEFA-nın qərarından razı qaldığını iddia edib: “Çünki son görüşlərdə Ermənistan yığmasının göstərdiyi oyunlara əsasən deyə bilərəm ki, azərbaycanlılarla görüşdə 4 və ya 6 xala iddia edə bilərdik”. O, həmçinin bildirib ki, sentyabrın 8-də və 12-də keçirilməsi baş tutmayacaq oyunların əvəzinə yoldaşlıq görüşlərində qüvvələrini sınamaq fikrindədirlər. /APA-Sport/