Döyüş növləri

Ana səhifə

Döyüş növləri

Yunis Hüseynov “Standard Bakı” ilə bir illik müqavilə bağlayıb

06 iyul 2007 08:59 (UTC +04:00)

Yunis Hüseynovun “Standard Bakı” klubuna baş məşqçi təyin edilməsi rəsmiləşib. Bu barədə “APA-Sport” agentliyinə klubun təsisçisi Kamil Məmmədov məlumat verib. Onun sözlərinə görə, yeni çalışdırıcı ilə bir illik müqavilə bağlanıb: “Güclülər dəstəsində ilk mövsümdə komandamızı Yunis Hüseynov çalışdıracaq. Onunla bir illik müqavilə imzaladıq”. Yevlaxın “Karvan” klubunun da güclülər dəstəsində ilk mövsümdə baş məşqçisi olan 42 yaşlı Y.Hüseynovun yeni komandasında köməkçiləri də müəyyənləşib. Y.Hüseynovun “Karvan”da üç il işlədiyi müddətdə köməkçisi olan 50 yaşlı Zakir Mahmudov “Standard Bakı”da da ona yardımçı olacaq. Y.Hüseynovun digər köməkçisi isə “Neftçi”də bir yerdə çıxış etdiyi Mirbağır İsayev olub. Ötən mövsüm “Neftçi”də Qurban Qurbanovun köməkçisi olan 33 yaşlı M.İsayev üç həftə öncə istefa verib.
K.Məmmədov “Standard Bakı”nı Azərbaycan çempionatının güclülər dəstəsinə çıxaran 37 yaşlı baş məşqçi Vladislav Qədirovun da taleyinə aydınlıq gətirib: “Vladislav Qədirov klubda qalıb. O, bundan sonra idman direktoru postunu tutacaq”. /APA-Sport/