Döyüş növləri

Ana səhifə

Döyüş növləri

Babək Quliyev bir həftə ərzində iki qitə miqyaslı oyuna dəvət alıb

06 iyul 2007 10:19 (UTC +04:00)

FİFA hakimləri Fariz Yusifovla Babək Quliyevin qitə miqyaslı yarışlarda idarə edəcəyi görüşlərdə köməkçiləri bəlli olub. “APA-Sport” agentliyinin məlumatına görə, 35 yaşlı F.Yusifova iyulun 24-də Çempionlar Liqasının birinci təsnifat mərhələsi çərçivəsində Andorranın “Reyncers” və Moldovanın “Şerif” klublarının görüşündə FİFA hakim köməkçiləri Elman Musayevlə Azər Əsgərov yardımçı olacaq. İyulun 31-də UEFA kuboku çərçivəsində “Kaerjenq 97” (Lüksemburq) “Lillestrom” (Norveç) matçının baş hakimi təyin edilən B.Quliyev də F.Yusifov kimi Andorraya yollanacaq. Belə ki, 33 yaşlı B.Quliyev “Rencers” “Şerif” qarşılaşmasında dördüncü hakim funksiyasını yerinə yetirəcək. B.Quliyevin UEFA kuboku oyununda FİFA hakim köməkçiləri İlham Əliyevlə Roman Vasilyev olacaq. “Kaerlenq 97” “Lillestrom” görüşünə dördüncü hakim 37 yaşlı FİFA hakimi Vüsal Əliyev təyin edilib. /APA-Sport/