Döyüş növləri

Ana səhifə

Döyüş növləri

Şahin Diniyev: “Ernani Pereyranı diqqət mərkəzində saxlayacağıq”

10 iyul 2007 10:47 (UTC +04:00)

Azərbaycan milli komandasının sabiq üzvü, braziliyalı müdafiəçi Ernani Pereyra Türkiyənin ikinci liqasının A kateqoriyasında yarışan “Orduspor” klubuna transfer olub. “APA-Sport” agentliyinin məlumatına görə, milliləşdirilmiş futbolçu Ordu şəhərinin təmsilçisi ilə birillik müqavilə bağlayıb. Son iki ildə “Karvan”ın (Yevlax) şərəfini qoruyan E.Pereyra ötən ilin payızında Azərbaycan yığmasına cəlb edilib. 29 yaşlı müdafiəçi milli komandamızın heyətində 6 matçda forma geyinib. “Orduspor” 2006/07 mövsümünün yekunlarına əsasən, çempionatda 5-ci yeri tutub. E.Pereyra “Orduspor”dan öncə Türkiyənin digər komandası “Konyaspor”da oynayıb.
Azərbaycan yığmasının baş məşqçisi Şahin Diniyev “APA-Sport” agentliyinə açıqlamasında E.Pereyranı bundan sonra da diqqət mərkəzində saxlayacaqlarını bildirib: “Ernani yığmaya potensial namizəddir. Xarici çempionatlarda çıxış edən futbolçularımızın hamısını daim diqqət mərkəzində saxlayırıq. Bu baxımdan Ernani də istisna olmayacaq”. Qeyd edək ki, E.Pereyra zədə ucbatından Azərbaycan yığmasının son iki rəsmi oyununda, iyunun 2-də Polşa və iyunun 6-da Qazaxıstana qarşı matçlarda iştirak etməyib. /APA-Sport/