Döyüş növləri

Ana səhifə

Döyüş növləri

“Qarabağ” Türkiyə Superliqasının debütantına böyük hesabla uduzub

13 iyul 2007 08:22 (UTC +04:00)

Ağdamın “Qarabağ” klubu Türkiyədəki hazırlıq prosesində keçirdiyi ikinci yoxlama görüşündə böyük hesablı məğlubiyyətlə üzləşib. “APA-Sport” agentliyinin məlumatına görə, komandamız Superliqanın debütantı “İstanbul Böyük şəhər Bələdiyyəspor” klubuna 0:3 hesabı ilə uduzub. Dörd hücumçu ilə meydana çıxan “Qarabağ”ın türkiyəli baş məşqçisi Rasim Kara Kənan Kərimov, Vaqif Cavadov, Viktor İbekoyi və Murad Ağakişiyevə əsas heyətdə yer verib. Çalışdırıcı bu futbolçularla yanaşı, Fərhad Vəliyev, Nodar Məmmədov, Timur İsrafilov, Mehran Əliyev, Aslan Kərimov, Tagim Novruzov və Əfran İsmayılovu ilk dəqiqələrdən meydana buraxıb.
Qeyd edək ki, “Qarabağ” Türkiyədə keçirdiyi ilk yoxlama oyununda Giray Bulakın çalışdırdığı “Vestel Manisaspor” klubunu A.Kərimov və V.Cavadovun vurduğu qollar sayəsində 2:1 hesabı ilə məğlub edib. /APA-Sport/