Döyüş növləri

Döyüş növləri

“Xəzər-Lənkəran” Xorvatiyaya çarter reysi ilə yollanacaq

19 iyul 2007 15:53 (UTC +04:00)

“Xəzər-Lənkəran” Xorvatiyaya çarter reysi ilə yollanacaq. “APA-Sport” agentliyinin məlumatına görə, “Xəzər-Lənkəran” Çempionlar Liqasının birinci təsnifat mərhələsində Xorvatiyanın “Dinamo” klubu ilə iyunun 24-də keçirəcəyi cavab görüşündən bir gün əvvəl səfərə çıxacaq. Komandamız “Dinamo” ilə görüşəcəyi Zaqrebə iyunun 23-də 03.30-da “Croatiya Airlines” hava şirkətinin çarter reysilə yollanacaq. Qeyd edək ki, “Dinamo” da Bakıya bu hava şirkətinin çarter reysi ilə gəlmişdi. Zaqrebə təxminən üç saat sonra yetişəcək nümayəndə heyətimiz orada “Şeraton” otelində qalacaq. “Xəzər-Lənkəran” həmin gün son məşqini “Dinamo” ilə oynayacağı “Maksimir” stadionunda keçirəcək. Zaqrebdəki oyun bizim vaxtla 23.15-də başlayacaq ki, komandamızın son məşqini bu vaxtda keçirməsi nəzərdə tutulub. “Xəzər-Lənkəran”la səfərə çıxacaq nümayəndə heyətinin tərkibində 70-75 nəfər olacaq. Klub rəhbərliyi səfərə media nümayəndələrini və azarkeşləri aparmağı planlaşdırır. Qeyd edək ki, “Xəzər-Lənkəran” “Dinamo” ilə cavab görüşündən dərhal sonra geri qayıdacaq. /APA-Sport/