Döyüş növləri

Döyüş növləri

“Karvan” Samir Abdulovla bağlı növbəti bəyanat yayıb

24 iyul 2007 09:39 (UTC +04:00)

Yevlaxın “Karvan” klubu 20 yaşlı futbolçu Samir Abdulovla bağlı növbəti bəyanat yayıb. “APA-Sport” agentliyinin məlumatına görə, Yevlax təmsilçisi Azərbaycanın olimpiya yığmasında da çıxış edən S.Abdulovun hər hansı kluba transferi ilə bağlı məsələnin artıq bağlandığını bəyan edib: “Samir Abdulov hər hansı məbləğə satılmır. Onun başqa kluba keçidi məbləğ ödənmədən baş tutacaq. Ancaq bu yalnız növbəti mövsümdə baş tuta bilər. Samirin qarşıdakı mövsümdə də “Karvan”ın şərəfini qoruyacağını bəyan edirik”. Qeyd edək ki, S.Abdulov bir aydır “MKT-Araz”ın heyətində yer alıb və Ukraynada hazırlıq prosesi keçib. Onu heyətinə qatmaqda israrlı olan “MKT-Araz” “Karvan”la razılığa gəlmədiyindən, futbolçunu UEFA kubokunda iştirak ərizəsinə daxil edə bilməyib. “Karvan” S.Abdulovun qanunsuz sıralarına qatan “MKT-Araz”la bağlı AFFA-nı yazılı şəkildə məlumatlandırıb və federasiyadan gələn cavabda məsələnin klublar arasında həll edilməsi tövsiyə edilib. Əks təqdirdə, “MKT-Araz”ın Nizam-İntizam Məcəlləsinə müvafiq olaraq, 6500 manat cərimələnəcəyi gözlənilir.
Qeyd edək ki, “Karvan” komandanın düşərgəsinə yollanmaqla bağlı müraciət etdiyi S.Abdulovdan hələlik müsbət cavab almayıb. Geri qayıtmaq istəməyən futbolçu artıq “MKT-Araz”la birgə hazırlıq keçmədiyini də bildirib. /APA-Sport/