Döyüş növləri

Ana səhifə

Döyüş növləri

Azərbaycan yığma komandası Avropa Yeniyetmələrinin IX Olimpiya Festivalında 7 qızıl medal qazanıb

28 iyul 2007 07:54 (UTC +04:00)

Milli Olimpiya Komitəsinin vitse-prezidenti Çingiz Hüseynzadənin “APA-Sport” agentliyinə verdiyi məlumata görə, medalları cüdoçu və atletlərimiz əldə ediblər. Cüdoçularımızdan Vüqar Şirinli (50 kq), Elsevər Sadıqzadə (55 kq), Sərxan Əhmədov (60 kq) və Şahin Qəhrəmanov (90 kq) bütün rəqiblərini məğlub edərək, fəxri kürsünün ən yüksək pilləsinə qalxıblar. Atletlərimizdən Ramil Quliyev 100 və 200 metr məsafəyə qaçışda, Ənvər Zeynalzadə isə üç təkanla uzununa tullanmada birinci olublar. Ç. Hüseynzadənin sözlərinə görə, EYOF-un rəsmi saytında R. Quliyevin 100 metr məsafəyə qaçışda 3-cü yeri tutması barədə yanlış informasiya verilib: “Əslində, Ramil 100 metr məsafəyə də hamıdan birinci çatıb. Bu yanlışlıq medalların ümumi sayı göstərilərkən, aradan qaldırılıb”. MOK rəsmisi, həmçinin, bildirib ki, qızıl medal qazanan idmançılarımıza elə yarışdaca həvəsləndirici pul mükafatları verilib: “Bu məbləğ elə də yüksək deyil. Onlar burada layiqincə mükafatlandırılacaqlar”.
Qeyd edək ki, Azərbaycan yığması göstərdiyi nəticə ilə 49 ölkə arasında Rusiya, İtaliya, Almaniya, Böyük Britaniya və Ukraynadan sonra 6-cı yeri tutub. /APA-Sport/