Döyüş növləri

Döyüş növləri

“Trabzonspor” “Xəzər-Lənkəran”la qarşılaşmadan imtina edib

30 iyul 2007 13:25 (UTC +04:00)

“Xəzər-Lənkəran” klubunun Türkiyənin “Trabzonspor” komandası ilə yoldaşlıq görüşü baş tutmayacaq. Bu barədə “APA-Sport” agentliyinə “Xəzər-Lənkəran”ın baş məşqçisi Ağasəlim Mircavadov məlumat verib. Onun sözlərinə görə, trabzonlular bu oyunda meydana çıxmaqdan imtina ediblər: “Türkiyəlilərlə bu gün danışığımız olub. Onlar bizimlə qarşılaşmaq istəmədilər. “Trabzonspor” rəhbərliyi bunu İntertoto kubokunda mübarizəni dayandırdıqdan sonra komandanın psixoloji baxımdan durumunun pis olması ilə əsaslandırdı. Trabzonlular UEFA kubokuna vəsiqə qazanacağı halda, oyun praktikası qazanmaq üçün “Xəzər-Lənkəran”la avqustun 4-də qarşılaşmaq istəyirdi. Onlar iki günlük xərci boynuna götürmüşdülər. Mən isə sabahdan Türkiyəyə yollanmağı hazır idim”. A.Mircavadov “Trabzonspor”la görüşün Lənkəranda keçirilməsi variantının da müzakirə olunduğunu söyləyib: “Oyunun Lənkəranda keçirilməsinə də çalışdıq. Bu yoldaşlıq görüşünün baş tutması üçün klubumuz bütün xərcləri boynuna götürmüşdü. Ancaq “Trabzonspor” göndərdiyi təklifi sonradan geri götürdü”.
Qeyd edək ki, Çempionlar Liqasında mübarizəni dayandırdan sonra istirahətdə olan “Xəzər-Lənkəran” bu gün Bakıda yığışaraq, çempionata hazırlığa başlayıb. /APA-Sport/