Döyüş növləri

Döyüş növləri

AFFA “MKT-Araz” klubunun ukraynalı legioneri Yevgeni Şimanla bağlı çıxardığı qərarı ləğv edib

31 iyul 2007 09:55 (UTC +04:00)

AFFA ötən mövsümün sonunda cəzalandırdığı ukraynalı yarımmüdafiəçi Yevgeni Şimanı bağışlayıb. “APA-Sport” agentliyinin məlumatına görə, İmişlinin “MKT-Araz” klubunun sabiq futbolçusu Y.Şiman AFFA Nizam İntizam Komitəsinə (NİK) bağışlanması barədə müraciət edib. NİK bu gün keçirdiyi iclasında Y.Şimanla bağlı 2006-cı il aprelin 20-də çıxarılan qərarı qüvvədən salıb. Həmin qərara əsasən, ukraynalı futbolçu bir ildən artıqdır Azərbaycan çempionatı və kuboku uğrunda yarışlardan kənarda qalıb. Bunu nəzərə alan NİK Əsasnamə və Nizam-İntizam Qaydalarının “Sanksiyanın hissəvi olaraq dayandırılması” maddəsinə əsasən, Y.Şimanın növbəti mövsümdən etibarən Azərbaycan çempionatı və ölkə kuboku uğrunda yarışlarda çıxışına icazə verib.
Saxta Azərbaycan pasportu daşıdığı üçün cəzalanan Y.Şimana görə, “MKT-Araz”ın ötən mövsüm “Xəzər-Lənkəran”la ölkə kuboku uğrunda Â¼ final oyununun nəticəsi ləğv olunub. Nəticədə yarımfinala vəsiqəsi əlindən alınan “MKT-Araz” “Xəzər-Lənkəran”la yenidən keçirilən oyunların nəticəsinə əsasən, kubokda mübarizəni dayandırmışdı.
Qeyd edək ki, cəzalanandan sonra “MKT-Araz”ı tərk edərək Polşada oynayan Y.Şiman yenidən Azərbaycanda legioner kimi çıxış edə biləcək. /APA-Sport/