Döyüş növləri

Döyüş növləri

“Neftçi” XXI əsrdə keçirdiyi qitə miqyaslı yarışlarda Bakıda qol buraxmayıb

01 avqust 2007 12:57 (UTC +04:00)

Dördqat Azərbaycan çempionu “Neftçi” XXI əsrdə qitə miqyaslı yarışlarda öz meydanında qol buraxmayıb. “APA-Sport” agentliyinin məlumatına görə, “Neftçi” avrokuboklarda sonuncu qolunu ötən əsrdə, səkkiz il öncə buraxıb. Belə ki, komandamız 1999-cu ilin iyulunda Serbiyanın “Srvena Zvezda” klubu ilə görüşdə öz qapısından üç top buraxıb. Həmin oyunda 2:3 hesabı ilə məğlub olan “Neftçi” 2000 və 2001-ci illərdə UEFA kubokunda Sloveniyanın “Hit-Qoritsa” (1:0 və 0:0), 2004 və 2005-ci illərdə Çempionlar Liqasında Bosniya və Herseqovinan “Şiroki Briyeq” (1:0), Rusiyanın MOİK (0:0), İslandiyanın “Hafnarfyordur” (2:0), Belçikanın “Anderlext” (1:0) klubları ilə oyunlarda qapısının toxunulmazlığını qoruyub. Səkkiz ildir avrokuboklarda öz meydanında uduzmayan “Neftçi” ev oyunlarını sabah Avstriyanın “Rid” klubu ilə görüşəcəyi Tofiq Bəhramov adına Respublika stadionunda keçirir. Hazırda “Neftçi”nin heyətində “Srvena Zvezda” ilə görüşün iştirakçısı olan yeganə futbolçu “Rid”ə ilk oyunda qol vuran Samir Əliyevdir. /APA-Sport/