Döyüş növləri

Döyüş növləri

Helmut Kraft: “Neftçi”yə uduzsaq, bu, bizim üçün faciə olacaq”

01 avqust 2007 16:13 (UTC +04:00)

“İlk oyunda “Neftçi” klubuna 3:1 hesabı ilə qalib gəldiyimiz üçün böyük üstünlüyə malikik. Deməli, iki həftə əvvəlki ilə müqayisədə vəziyyət fərqlidir”. Bu sözləri Heydər Əliyev Beynəlxalq Hava Limanında “APA-Sport” agentliyinə eksklüziv açıqlamasında Avstriyanın “Rid” klubunun baş məşqçisi Helmut Kraft deyib. H.Kraftın sözlərinə görə, sabah UEFA kubokunun birinci təsnifat mərhələsinin cavab görüşü çərçivəsində “Neftçi”yə qarşı keçiriləcək matçda məğlubiyyət faciəyə bərabər olacaq: “Bakıda “Neftçi”yə uduzsaq, bu, bizim üçün faciəyə çevriləcək. Çünki qarşımıza UEFA kubokunun növbəti mərhələsinə yüksəlmək vəzifəsi qoymuşuq”. H.Kraft “Neftçi”nin bir sıra üstün keyfiyyətlərə məxsus olduğunu söyləyib: “Rəqib komanda hücum təşkilində yaxşı nəzərə çarpır, sürətli oyunçuları var. Üstəlik, Bakıda hava çox istidir. Çalışacağıq ki, bu amillər bizə maneçilik törətməsin”. “Rid”in baş məşqçisi UEFA kubokunun püşkatmasından sonra “Neftçi”ni Lixtenşteyn və Lüksemburq klubları ilə müqayisə etdiyini təsdiqləyib: “Mən bu sözləri məsafə baxımından demişəm. Yəni, Lixtenşteyn və Lüksemburq Avropaya daha yaxındır. Bu ölkələrin futbolu bizə yaxşı tanışdır. Amma Azərbaycan Avropadan uzaqdır. Bu səbəbdən ölkənizin haqqında məlumatımız yoxdur”. /APA-Sport/