Döyüş növləri

Döyüş növləri

“Rid” klubunun prezidenti Yohan Villminqer: “Neftçi” ilə oyun 0:0 hesabı ilə nəticələnəcək”

01 avqust 2007 16:31 (UTC +04:00)

“Bakıya ilk dəfə gəlirəm. Hər şey yaxşıdır. Amma deyəsən, burada havalar çox isti keçir”. Bu sözləri “APA-Sport” agentliyinə eksklüziv açıqlamasında Avstriyanın “Rid” klubunun prezidenti Yohan Villminqer deyib. O, UEFA kubokunun birinci təsnifat mərhələsinin ilk görüşündə “Neftçi” klubunun sürpriz oyun nümayiş etdirdiyini bildirib: “Düzünü desəm, “Neftçi”dən belə oyun gözləmirdik. Bizim üçün sürpriz oldu. Buna baxmayaraq, ilk matçda yaxşı nəticə əldə etmişik. Bu, cavab görüşü ərəfəsində növbəti mərhələyə adlamaq şansımızın çox olması deməkdir”. Y.Villminqer vurğulayıb ki, “Rid” “Neftçi” ilə cavab görüşündə qeyri-qənaətbəxş çıxış etsə belə, məşqçi korpusunda dəyişiklik olmayacaq: “Mənim məşqçi korpusunda dəyişiklik etmək fikrim yoxdur”. Klub prezidenti sabahkı oyunla bağlı proqnoz verib: “Mənə elə gəlir ki, “Neftçi” ilə qarşılaşma 0:0 hesabı ilə nəticələnəcək”. /APA-Sport/