Döyüş növləri

Ana səhifə

Döyüş növləri

Harun Ərbəy: “Neftçi”yə qarşı çıxış etməyi özüm üçün şərəf sayırdım”

03 avqust 2007 08:38 (UTC +04:00)

- Oyunu necə dəyərləndirirsən?
- Oyun çətin başladı. Hava şəraiti də oynamaq üçün çox pis idi. Allaha şükür, bir mərhələni geridə qoyduq. İlk 20 dəqiqədə hesabda 2 top fərqi ilə geri düşdük. Lakin ikinci hissədə nisbətən yaxşı oynadıq.
- Buna səbəb nə oldu?
- Biz komanda olaraq, ya yenərik, ya da yenilərik. Biz qalib gəlmək istədik. Ona görə də lazımi nəticəni əldə edib, ümumi hesabda qalib gəldik.
- “Neftçi” ilə matçda komandanızın ən fəalı olmağın fikri ilə razılaşırsan?
- Meydanda təkcə mən deyiləm. Komandamızda albaniyalı, serbiyalı legionerlər də var. Amma bu gün bir türk olaraq, meydana çıxmışdım və bundan da qürur duyuram. Bu, Avropa kuboklarında keçirdiyim ikinci oyunum idi. Allaha şükür, yaxşı oynadıq.
- Bu gün bir türk komandasına qarşı çıxış etdin. Bu amil sənə nə dərəcədə təsir etmişdi?
- Təbii ki, motivasiya olunmuşdum. Çünki “Neftçi”yə qarşı çıxış etmək mənim üçün qürurvericidir.
- Nəyə görə?
- “Neftçi” yaxşı komandadır. Mövsümü Azərbaycan çempionatında ikinci pillədə başa vurublar. Bəzən televiziya vasitəsilə oyunlarını izləyirdim və bu komandanı çox bəyənirdim. Ona görə də “Neftçi”yə qarşı çıxış etməyi özüm üçün şərəf sayırdım. Yəni, bir il öncə “Neftçi”nin bu meydançada oyununu izləyirdim, bu gün isə özüm burada “Neftçi”yə qarşı çıxış etdim. Türkiyə ilə yaxın ölkənin sakinləri olaraq, məni burada çox yaxşı anlayırsınız. Hamınıza təşəkkür edirəm.
- Bir türk olaraq, Azərbaycanın klubuna qarşı oynamaq sizə problem yaratmadı?
- Xeyr, problem yaratmadı. “Neftçi” də mənim komandamdır. Ona görə də hisslərimi ifadə etməkdə çətinlik çəkirəm.
- Türk türkə qalib gələndə sevinərmi?
- Sevinməz. Amma fərd olaraq, sevinməyim lazımdır. Çünki mən oyunum sayəsində yüksəlmək istəyirəm. Ona görə, eynilə türkə yenilsəm, sevinmərəm.
- İstənilən türk komandasına qarşı oynasaydın, yenə eyni hissləri keçirərdin?
- Təbii ki... Kimə qarşı çıxış etməyimdən asılı olmayaraq, öz oyunumu göstərməliyəm. /APA-Sport/