Döyüş növləri

Döyüş növləri

UEFA-nın baş meneceri Bakıya gələcək

06 avqust 2007 11:44 (UTC +04:00)

UEFA-nın futzal yarışlarının keçirilməsi üzrə baş meneceri Lauret Morel avqustun 9-da Bakıya gələcək. “APA-Sport” agentliyinin məlumatına görə, səfərdə əsas məqsəd UEFA kubokunun oyunlarının təşkilatçılıq işləri ilə tanış olmaqdır. L.Morel UEFA kubokunun əsas mərhələsinin 3-cü qrupunun matçlarının keçiriləcəyi Bakı İdman Sarayına, eləcə də, qonaq komandaların məskunlaşacağı “Abşeron” otelinə baş çəkəcək. İsveçrəli mütəxəssis UEFA kubokunun Təşkilat Komitənin üzvləri ilə fikri mübadiləsi aparacaq. L.Morelin AFFA rəhbərliyi ilə görüşü də nəzərdə tutulub. UEFA rəsmisi avqustun 10-da paytaxtımızı tərk edəcək.
Qeyd edək ki, UEFA kubokunun matçları 8-16 sentyabr aralığında oynanılacaq. Yarışda ölkəmizi Naxçıvanın “Araz” klubu təmsil edəcək. “Araz”ın rəqibləri “Luparense” (İtaliya) və “Slov-Matik Fofo” (Slovakiya) komandaları olacaqlar. Bakıya gələcək üçüncü komandanın adı hələ müəyyənləşməyib. /APA-Sport/