Döyüş növləri

Döyüş növləri

Arif Əsədov milli komandaya iki yeni futbolçu cəlb edib

06 avqust 2007 14:31 (UTC +04:00)

Azərbaycanın 19 yaşlılardan ibarət yığma komandasının Gürcüstanla yoldaşlıq görüşü üçün heyəti müəyyənləşib. “APA-Sport” agentliyinin məlumatına görə, yığmanın baş məşqçisi Arif Əsədov avqustun 15-də və 17-də Tiflisdə keçiriləcək oyuna açıqladığı heyətə 20 futbolçunun adını daxil edib. Bunlar Elçin Sadıqov, Tural Nərimanov, Elxan Cəbrayılov, Qədir Məmmədov, Elvin Şiriyev, Elşən Hacıyev, Eşqin Quliyev (hamısı “Neftçi-2), Osman Umarov, Maksim Medvedev, Rauf Əliyev, (“Qarabağ”), Fuad Vahabzadə, Elhad Əhmədov, Emin Mustafayev, Telman Bayramlı, Bayram Kərimov (“Qarabağ-2”), Şəhriyar Rəhimov (“İnter-2”), Miryusif Cavadov (Simurq), Fərid Haqverdiyev (Ədliyyə), Bəxtiyar Soltanov (“Bakı-2”) və Eldar Hüseynovdur (“Karvan”). A.Əsədov iyulun son 10 günlüyündə Bakıda hazırlıq keçirdiyi heyətdən Fuad Əzimov (“Neftçi-2”), Şahin Zeynalov (“Qarabağ-2”), Cavid Cəfərov (“Xəzər-Lənkəran-2”), Novruz Məmmədov (“İnter-2”), Rəşad Orucov (“Turan”), İbrahim Mirzəməhəmmədov (“Şahdağ”) və Kiyevin “Arsenal” klubunun əvəzedici heyətinin hücumçusu olan Rüstəm Novruzovu Gürcüstana aparacağı heyətə daxil etməyib. A.Əsədovun dəvət etdiyi yeni futbolçulardan müdafiəçi Şəhriyar Rəhimovla hücumçu Eldar Hüseynovu heyətə cəlb edib. Ş.Rəhimov “İnter”, E.Hüseynov “Karvan”ın heyətində müvafiq olaraq Bolqarıstanla Türkiyədə təlim-məşq toplanışından qayıdıb. Komandamız avqustun 13-də bir araya gələrək, həmin gün qatarla Gürcüstanın paytaxtı Tiflisə yollanacaq. /APA-Sport/