Döyüş növləri

Döyüş növləri

“Nar Mobile” “Miri Qrand” klubuna sponsorluq etmək istəyir

09 avqust 2007 12:47 (UTC +04:00)

“Nar Mobile” mobil operatoru Saatlının “Miri Qrand” futzal klubuna sponsorluq etmək istəyir. Bu barədə “APA-Sport” agentliyinə komandanın baş məşqçisi Şamil Useynov məlumat verib. Onun sözlərinə görə, tərəflər bu məsələni sentyabrda müzakirə edəcəklər. “Nar Mobile” rəhbərliyi “Miri Qrand”ın bütün xərclərini öz üzərinə götürmək niyyətindədir. Ş.Useynov bildirib ki, komandanın növbəti mövsümə hazırlıq planı yaxın günlərdə müəyyənləşəcək: “Həftəsonu klub prezidenti ilə görüşümüz olacaq. Bu görüşdən sonra təlim-məşq toplanışlarının yeri və vaxtı dəqiqləşəcək. Bundan başqa, prezidentlə transfer məsələləri ilə bağlı fikir mübadiləsi aparacağıq”.
Qeyd edək ki, 2006-cı ildə təsis olunan klub indiyədək “Miri Qrand” şirə zavodunun himayəsindədir. Komanda bu il milli çempionatda ilk dəfə çıxış etməsinə baxmayaraq, gümüş medallara yiyələnib. /APA-Sport/