Döyüş növləri

Döyüş növləri

İqor Nakoneçnı: “Artıq “MKT-Araz” adlı futbol klubu yoxdur”

09 avqust 2007 17:15 (UTC +04:00)

Bu haqda “APA-Sport” agentliyinə komandanın baş məşqçisi İqor Nakoneçnı məlumat verib. Ukraynalı mütəxəssisin sözlərinə görə, növbəti Azərbaycan çempionatında iştirakdan imtina edilməsinin səbəbi maliyyə problemi ilə bağlıdır: “Bu gün klub prezidenti İkram Kərimli ilə görüşdüm. O, mənə komandanın fəaliyyətini dayandırmağını söylədi. “MKT-Araz” adlı klub bundan sonra yoxdur. Çünki artıq klubu dağılmış saymaq olar. Artıq əşyalarımı yığıb Azərbaycanı tərk etməyə hazırlaşıram”.
Qeyd edək ki, UEFA kubokunda Polşanın “Qrotslin” klubu ilə Bakıdakı oyundan sonra “MKT-Araz”da ciddi maliyyə problemləri yaranmışdı. Komanda üzvləri onlara çatacaq borcun ödənilməməsi ilə bağlı narazılığını bildirmişdilər. Klub rəhbərliyi Polşadan qayıtdıqdan sonra bu problemi həll edəcəyinə söz vermişdi.
2004-cü ildə yaranan “MKT-Araz” XVI Azərbaycan çempionatının ilk turunda avqustun 12-də Bakıda “Olimpik” klubu ilə qarşılaşmalı idi.