Döyüş növləri

Döyüş növləri

Məlik Həsənov: “MKT-Araz” klubunu çempionatdan kənarlaşdıra bilmərik”

10 avqust 2007 09:10 (UTC +04:00)

“MKT-Araz” klubunun rəhbərliyi XVI Azərbaycan çempionatında çıxışını dayandırması ilə əlaqədar bu gün AFFA-ya rəsmi müraciət edəcək. Bu barədə “APA-Sport” agentliyinə klubun vitse-prezidenti Əvəz Ağayev məlumat verib. Ə.Ağayevin sözlərinə görə, hazırda rəsmi məktub hazırlanır və günün sonunadək federasiyaya təqdim olunacaq.
AFFA-nın Yarışların Təşkili və Keçirilməsinin Departamentinin rəisi Məlik Həsənov isə “APA-Sport” agentliyinə aşıqlamasında XVI milli çempionatda “MKT-Araz”ın əvəzinə hansısa klubun daxil edilib-edilməməsi məsələsinə hələ aydınlıq gəlmədiyini bildirib: “İmişlililər bizə çempionatda çıxışını dayandırması haqda rəsmi müraciət etməyib. Rəsmi müraciətin olması zəruridir. Əks təqdirdə, komandanı çempionatdan kənarlaşdıra bilmərik. “MKT-Araz” klubundan rəsmi müraciəti aldıqdan sonra mövqeyimizi açıqlayacağıq”. Ötən mövsümdə olduğu kimi, növbəti çempionat da 13 klubla başlayacağı halda, hər komanda ilk turda istirahət edəcək.
Qeyd edək ki, ötən mövsüm çempionatın başlanmasına az qalmış “Gəncə” maliyyə problemləri ucbatından milli çempionatda iştirak etmədi. /APA-Sport/