Döyüş növləri

Döyüş növləri

“Neftçi” çempionata məğlubiyyətlə başladı

12 avqust 2007 10:14 (UTC +04:00)

Avqustun 11-də və 12-də keçirilən oyunlarla XVI Azərbaycan çempionatına start verilib. “APA-Sport” agentliyinin məlumatına görə, “Neftçi” tarixində ikinci dəfə milli çempionata məğlubiyyətlə başlayıb. 1998/99 mövsümündə Gəncədə “Kəpəz”ə 0:2 hesabı ilə uduzan flaqman 8 illik fasilədən sonra çempionatın ilk turunda eyni aqibətlə üzləşib. “Neftçi”, həmçinin bir illik fasilədən sonra Tofiq Bəhramov adına Respublika stadionunda məğlubiyyəti “Turan” klubundan alıb - 1:2.
Azərbaycan çempionatının son qalibi “Xəzər-Lənkəran” yeni mövsümə qələbə ilə başlayıb. Yevlax şəhər stadionunun əsas meydançasında “Karvan”la keçirilən oyunda yeganə qolun müəllifi Yakuba Bamba olub. İlk turda böyük hesablı qələbə qazanan “İnter” liderliyi ələ keçirib. “Qarabağ” Qaxda “Simurq”a uduzub. “Standard-Bakı” və “Masallı” klublarının güclülər dəstəsində debütü məğlubiyyətlə nəticələnib. “Qəbələ” isə yeni adla ilk görüşünü qələbə ilə qeyd edib. “MKT-Araz” klubunun milli çempionatda çıxışını dayandırması ucbatından “Olimpik” ilk turda istirahət edib.

11 avqust

“İnter” (Bakı) “Masallı” - 3:0
Xaqani Məmmədov, 34, Emin İmaməliyev, 47, Nizami Hacıyev, 90+1.

“Standard-Bakı” “Qəbələ” - 0:1
Tornike Aptsiuari, 51.

“Neftçi” (Bakı) “Turan” (Tovuz) - 1:2
Branimir Subaşiç, 14 Elvin Məmmədov, 64, Asəf Qədiri, 85.

“Simurq” (Zaqatala) “Qarabağ” (Ağdam) - 1:0
Vladimir Mazyar, 40.

12 avqust

“Bakı” “Gənclərbirliyi” (Sumqayıt) 3:1
Tərlin Xəlilov, 15, Amiran Muciri, 16, Fernando Peres, 30 Nicat Tağıyev, 87.

“Karvan” (Yevlax) “Xəzər-Lənkəran” - 0:1
Yakuba Bamba, 36.

II turun oyunları avqustun 18-də və 19-da keçiriləcək:

“Masallı” “Xəzər-Lənkəran”
“Qarabağ” “Karvan”
“Gənclərbirliyi” “Neftçi”
“İnter” “Standard-Bakı”
“Turan” “Olimpik”
“Qəbələ” “Bakı”. /APA-Sport/