Döyüş növləri

Döyüş növləri

Ramin Musayev: “Qurban Qurbanov necə istefa verə bilər?”

13 avqust 2007 11:54 (UTC +04:00)

“Qurban Qurbanov “Turan”a məğlubiyyətdən sonra istefa verməsi ilə bağlı klub rəhbərliyinə müraciət etməyib”. Bu sözləri “APA-Sport” agentliyinə açıqlamasında “Neftçi” klubunun vitse-prezidenti Ramin Musayev deyib. R.Musayevin sözlərinə görə, komanda ilk turda öz meydanında “Turan”a 1:2 hesabı ilə məğlub olsa da, baş məşqçinin istefasından söhbət gedə bilməz: “Qurban Qurbanov necə istefa verə bilər? O, hazırda komandadır, yanımda oturub. İlk turda məğlubiyyəti normal qarşılayırıq. “Fənərbaxça” kimi klub çempionata məğlubiyyətlə başladı. Türkiyə çempionatının son qalibi Superliqaya çıxan “İstanbul Böyük Şəhər Bələdiyyəspor” klubuna 0:2 hesabı ilə məğlub oldu. Komandamızın “Turan”a məğlubiyyəti ciddi narahatçılığa əsas vermir. Tərəfdarlarımız narahat olmasınlar, hər şey yaxşı olacaq. Sadəcə, komandanın UEFA kubokunda mübarizəni dayandırmasının da psixoloji təsiri olub”. R.Musayev bildirib ki, komanda rəhbərliyi Qurban Qurbanovla vidalaşmaq fikrində deyil: “Baş məşqçini dəstəkləməkdə davam edirik”. /APA-Sport/